** ചെസ്സില്‍ നിന്ന്‍ഫുഡ്ബോളിലെത്തിയ ചേറൂര്‍**
(അഖിലേന്ത്യാ സെവന്‍സ് ഫുഡ്ബോള്‍ ടൂര്‍ണ്ണമെന്‍റ്, ഡാസ്ക് ചേറൂര്‍)
പൂര്‍വ്വ കാലംതൊട്ടേ കലാകായികരംഗത്ത് തല്‍പ്പരരായിരുന്നു ചേറൂര്‍ പ്രദേശത്തുകാര്‍.ഇവിടുത്തെ ആബാലവൃദ്ധം ജനങ്ങളും ചെസ്സ്‌ കളിക്കാരായിരുന്നു . ചെസ്സ്‌ കളിയിലൂടെ ഏറെ പ്രശസ്തി ഈ ഗ്രാമത്തിന് സ്വന്തമായുണ്ട്. പഴയ തലമുറയില്‍ നിന്നും പ്രചോദനമുള്‍ക്കൊണ്ട് ഇന്നും കലാകായികരംഗത്ത് ഈ ഗ്രാമം നിറഞ്ഞുനില്‍ക്കുന്നു.
കാല്‍പ്പന്തു കളിയുടെ നാട് എന്ന ഖ്യാതി മലപ്പുറം ജില്ലക്ക് നേടിക്കൊടുക്കുന്നതില്‍ എന്‍റെ ഗ്രാമമായ
ചേറൂര്‍ തനതായ പങ്ക് വഹിക്കുന്നുണ്ട്.കാല്‍പ്പന്ത്‌ കളിക്ക് ഏറെ ആരാധകരുള്ള ഈ പ്രദേശത്ത് "ഡാസ്ക്ചേറൂര്‍"
എന്ന പേരിലുള്ള സ്പോര്‍ട്സ് ക്ലബ്ബിന്‍റെ കീഴില്‍ ചേറുരിലെ ജി എം യു പി സ്കൂള്‍ ഗ്രൌണ്ടില്‍ വര്‍ഷം തോറും അഖിലേന്ത്യാ സെവന്‍സ് ടൂര്‍ണ്ണമെന്‍റ് നടത്തപ്പെടുന്നു.
ഒട്ടേറെ പ്രശസ്തരായ ഫുഡ്ബോള്‍ താരങ്ങള്‍ ബൂട്ടണിയുന്ന, ആവേശ ഭരിതമായ ഈ ടൂര്‍ണ്ണമെന്‍റ് ദര്‍ശിക്കാന്‍ അയല്‍ ജില്ലകളില്‍നിന്ന്പോലും ഫുഡ്ബോള്‍ പ്രേമികളുടെ പ്രവാഹമാണ്.
സംഘാടകര്‍ ഇതില്‍ നിന്ന്‍ ലഭിക്കുന്ന ധനം നാട്ടിലെ സാമുഹ്യ പ്രവര്‍ത്തനങ്ങള്‍ക്ക് ഉപയോഗിച്ച് മഹത്തരമാക്കുന്നു .
